Johan Hove har det seinaste året opplevd stor framgang som fotballspelar. Han har debutert for Sogndal 2 i 3.div, og ikkje minst representert Noreg i G15 landskamp. Johan har vore representert på kretslag til Sogn og Fjordane Fotballkrets og vore med på regionssamlingar i regi av Noregs Fotballforbund. Grunnlaget for Johan sin sportslege dugleik har han lagt gjennom Sogndal Fotball aldersbestemt, samt utalege timar for seg sjølv utanom organisert treningstid. Johan syner stor vinnarvilje, positiv framferd og har gode haldningar til FairPlay, og er ein verdig vinnar av Ørjan Hopen Utviklingspris i 2015.